Transcription
1
Monsieur, pour ne fère tort à la suffisence de monsieur
2
du Monestier, je remetrey à luy à vous fère antandre
3
tout ce quy ce passe de ce costé. Ceste me servira
4
seulement pour me rementevoyr à votre souvenence et
5
pour vous supplier, monsieur me despartir de vous
6
nouvelles. Jattens en bonne devotion le laquay que jay
7
anvoyé à monsieur de Laval, combien que jaye receu
8
des lettres de monsieur d’Evènes par lesquelles, masseure
9
quil est exent de fiebvre ; et sans ycelles, je
10
demeuroys en ceste peyne de le croyre toujours fort
11
malade ; mays je loue Dieu quil en est quite
12
pour le mal auquel je supplie vous donner
13
Monsieur en prosperité, très heuureuse et très bonne
14
vie et longue. De Prunières, ce VIIIe daoust 1572.
15
Votre très humble serviteur
16
Rousset
17
Monsieur je vous direy que les douze jours que jay
18
anvoyé gentz et chevaulx à madame la comtesse de
19
Grignan et suys cy peyné pour nen advoyr aulcugnes
20
nouvelles, cregnant quil ne luy soyt venu quelque
21
fortune. Madamoyselle de Saint Privat et le reste de ceste
22
compagnie vous baysent très humblement les mayns
23